Alhondiga Bilboko aisialdi ta kulturgune nagusiena da. Hiriaren erdian kokatua dago (Arrikibar plaza, 4), Moyua eta Indautxu plazen artean. Izenak berak dioenez, ardo-biltegi gisa sortu zen, 1905ean, harik eta 70ko hamarkadan itxi zen arte. Berriztu ondoren, aisialdi eta kultur gune bihurtu da, sorkuntzarako eta kultur adierazpenetarako gune bezala (Metroa: Indautxu - Urkijo / Moyua: Elcano). Bertan, 'Mediateka' izeneko liburutegia dago. Multimedia zerbitzu eta bilduma bereziak eta espezializatuak ditu (DVDak, CDak, komikiak, bidaia gidak...), Euskal Herriko eta nazioarteko prentsa, ordenagailu-zerbitzua, telebista gelak, baita umeentzat diseinatutako gune berezia ('Txikiland' izenekoa) eta batzar-gelak ere. Horrez gain, ikasgelak ere baditu. Urteko egun guzti-guztietan dago zabalik. Informazio gehiago, hemen: http://www.alhondigabilbao.com/eu/mediateka